اسلام آباد : وزیر اعظم عمران خان ایک روزہ دورے پر لاہور روانہ ہو گئے ہیں جہاں وزیر اعلیٰ اور گورنر پنجاب ان سے ون آن ون ملاقات کریں گے ۔

نجی ٹی وی اے آر وائی کے مطابق وزیر اعلیٰ پنجاب ملاقات میں وزیر اعظم عمران خان کو انتظامی ، سیاسی صورتحال پر بریفنگ دیں گے ، سردار عثمان بزدار اپوزیشن کے احتجاج کے حوالے سے بھی بریفنگ دیں گے ۔

وزیر اعظم سے گورنر پنجاب چودھری سرور بھی ملاقات کریں گے ، ملاقات میں مختلف امور پر وزیر اعظم کو بریفنگ دی جائے گی ۔