ملک میں ایک طرف جہاں کورونا کا زور ٹوٹ رہا ہے وہیں دوسری جانب ڈینگی کے وار انتہائی تیز سے بڑھ رہے ہیں ، ڈینگی کے باعث ملک میں اموات اور کیسز کی تعداد میں اضافہ تیزی سے اضافہ ہو رہا ہے ۔

نجی ٹی وی دنیا نیوز کے مطابق لاہور میں 2 جبکہ اسلام آباد میں ایک شخص ڈینگی سے دم توڑ گیا ، حیدر آباد میں بھی ڈینگی کے باعث انتقال کرنےو الوں کی تعداد 3 ہو چکی ہے ۔ سینکڑوں کی تعداد میں ڈینگی مریض سامنے آنے پر ہسپتالوں میں دباؤ بڑھ رہا ہے ۔

صوبہ پنجاب میں گزشتہ 24 گھنٹوں کے دوران 552 نئے ڈینگی کیسز رپورٹ ہوئے ہیں ، صوبے کے ہسپتالوں میں مجموعی طور پر دو ہزار 488 مریض زیر علاج ہیں ۔ گزشتہ 24 گھنٹوں میں لاہور سے 552 ڈینگی کیسز رپورٹ ہوئے ، راولپنڈی میں 72 ، فیصل آباد اور ملتان سے 10،10 مریض رپورٹ ہوئے ۔ لاہور کے ہسپتالوں میں ڈینگی کے مریضوں کی تعداد ایک ہزار 633 ہو گئی ہے ۔