حسان خاور کا کہناتھا کہ یہ واقعہ صبح 10 بج کر دو منٹ پر شروع ہوا ، ایک گھنٹے کے بعد سری لنکن منیجر کو ہلاک کر دیا گیا اور پولیس کو واقعہ کی اطلاع 11بج کر 28 منٹ پر ملی ، پولیس کا سکواڈ کال موصول ہونے کے بعد 17 منٹ میں وہاں پہنچ گیا تھا جن میں ایس ایچ او خود اور کچھ اہلکار ان کے ساتھ تھے ۔موقع پر 800 سے 900 لوگ موجود تھے جنہوں نے پولیس کو آگے جانے سے روکا جس پر مزید نفری طلب کی گئی ۔ سری لنکن منیجر کو پولیس کو دی گئی پہلی اطلاع سے قبل ہی مار دیا گیا تھا ۔